Inga Guðlaug útskrifaðist með BA gráðu frá Háskólanum á Akureyri árið 2015. Samhliða námi starfaði hún í umönnun fatlaðra, bæði á búsetukjarna fullorðinna og á skammtímavistun fyrir fötluð börn. Í því starfi fékk Inga mikin innblástur og fullvissu um að sálfræðin væri það sem hún ætti að fylgja eftir. 

Inga Hún útskrifaðist úr klínískri sálfræði til starfsréttinda frá Háskólanum í Reykjavík árið 2018 og fékk löggildingu frá Landlækni til að starfa sem sálfræðingur sama ár. Í náminu hlaut hún starfsþjálfun á Barnaspítala Hringsins, Áfalla- og sálfræðimiðstöðinni og í Skóla-og félagsþjónustu Grindavíkur.

Frá 2018 hefur Inga starfað í geðteymi Heilbrigðisstofnunar Suðurnesja og á Áfalla-og sálfræðimiðstöðinni. Inga hóf svo störf sem sálfræðingur á Fjölskyldusviði Suðurnesjabæjar 2020 ásamt því að vera í geðteymi HSS. Í vinnu sinni hefur Inga fengið breiða reynslu, bæði með námskeiðum, vinnustofum og handleiðslu. 

Inga lauk í júní 2021 sérnámi í Hugrænni Atferlismeðferð á vegum Endurmenntunar Háskóla Íslands í samvinnu við Félag um hugræna atferlismeðferð og Oxford Cognitive Therapy Center. Í náminu hefur hún fengið víðtæka reynslu í meðferðum á geðröskunum barna og fullorðinna undir þéttri handleiðslu sérfræðinga innan sálfræðinnar.

Inga hefur haldið námskeið fyrir foreldra kvíðinna barna (klóka litla krakka) og verið ráðgefandi fyrir heimili og skóla þegar kemur að líðan og velferð barns.

Helstu áhugamál Ingu eru fjölskyldan og samvera með henni. Hún er trúlofuð og á þrjú börn og hund. Inga hefur mikinn áhuga á manneskjunni og mannlegri breytni. Hún leitast við það að sjá styrkleika hvers og eins og aðstoða einstaklinginn við að fara út fyrir þægindarammann sinn og fara þannig alla leið í átt að því sem hann dreymir um.

Helga Fríður er starfandi skólafélagsráðgjafi við Grunnskóla Grindavíkur ásamt því að sinna verktöku fyrir félagsþjónustu Grindavíkur. 

Helga Fríður lauk meistaranámi sínu í félagsráðgjöf frá Háskóla Íslands í maí árið 2012, fékk þar með starfsleyfi sitt frá landlækni og hefur starfað við félagsráðgjöf síðan, bæði í barnavend og skólafélagsráðgjöf. 

Fyrir úrskrift í félagsráðgjöf hafði Helga Fríður meðal annars starfað á leikskóla, við afleisingakennslu í grunnskóla, á geðdeild við Hátún, í íbúðarkjarna fyrir fólk með geðraskanir, tekið starfsþjálfun bæði á Reykjalundi og á félagsþjónustu Seltjarnarness. 

Utan félagsráðgjafanáms fór Helga Fríður í nám í Hússtjórnarskóla Reykjavíkur, fór í förðunarnám og bjó svo eitt sumar á Valencia á Spáni og lærði spænsku við skólann Galileo Galilei.

Námskeið sem Helga Fríður hefur setið eru t.d : námskeið á vegum barnaverndarstofu, námskeið varðandi börn og heimilisofbeld, námskeið í sálgæslu og áfallahjálp, námskeið um réttindi barna og fjölskyldna varðandi heilbrigðisþjónustu og námskeið varðandi sjálfsskaða- og sjálfsvígshegðun unglinga.

Helga Fríður hefur tekið þátt í félagsstarfi frá því að hún var um tvítugt og ber þar helst að nefna: Meðlimur í Kvenfélaginu Baugi Grímsey, verðið mentor í félagsráðgjafaeild í HÍ, meðstjónandi í fagdeild félagsráðgjafa á Suðurnesjum, meðlimur, varaformaður og formaður í stjórn Ladies Circle í Grindavík og einnig setið í foreldrafélögum bæði varðandi leikskólastarf og  fótboltaiðkun barna sinna.

Helga Fríður hefur brennandi áhuga á öllu sem við kemur mannlegu eðli. Áhugamálin hennar eru helst söngur, dans, samvera með fjölskyldu og vinum ásamt því að hvers konar sjálfsrækt fær nú alltaf meiri athygli. 

Síðast en ekki síst er Helga Fríður gift, þriggja barna móðir sem býr í Grindavík og unir því vel.

Margrét er þriggja barna móðir frá Grindavík með Bs gráðu í Líftækni. 

Hún elskar allt sem tengist líkamlegri og andlegri heilsu og hefur verið jógakennari frá árinu 2013. Hún lærði fyrst Kundalini jóga (220 RYT)  í umsjón Auðar Bjarnadóttur. Þá fór hún í Aerial slæðujógakennaranám hjá Byoga með Devi Kaur, Krakkajóga kennaranámið „Child Play“ með Gurudas Kaur (22 klst), Yin jóga kennaranámi með David Kim hjá YogaWorks (30 RYT) og jógakennaranám hjá Michelle Young in My Vinyasa Practive (200 RYT). Margrét hefur einnig klárað Breath Coach Training hjá Lucas Rockwood í YogaBody og er því viðurkenndur öndunarþjálfi (YACEP). Nýlega kláraði hún Hatha yoga frá Vikasa yoga (200 RYT).  

 Margrét trúir því að styrkur manna kemur innanfrá og að lykilinn að gleði og hamingju sé að vera í sem besta sambandi við sjálfan sig og þannig fylgt sinni sannfæringu í verkefnum lífsins.